بين كل جرح وجرح أصعب من اللي قابله
حاسس إني عايش كل ده ومضحوك عليّ
وبقيت بشوف في عيون كمان كل اللي أقابله
نظرة شماتة وضحكة صفرا وفرحة فيّ

مبقتش عارف إن كنت رايح ولا جاي
وكإني عايش نص مات على نص حي
حتى اللي مني ماسلمش قلبي من أذاهم
والضربة جات لي من اللي أنا اتربيت معاهم

كل اللي بدي له الأمان هو اللي يجرح
والفرحة جات عندي إنطفت حلفت ما هفرح
أنا دوري صامت وفي الحياة وماليش مكان
وقسيت كثير من ناس باعوني وركبوا مسرح

فين اللي مني بجد بسأل نفسي فينهم
جبروت وقسوة مشفتهاش غير بس منهم
على طول في سيرتي بيقطعوا ويذموا فيّ
والرحمة جات لي من الغريب ولا جاتش منهم

معرفش بختي يا دنيا ليه على طول مقصر
كل أما أقول هفرح خلاص تسود أكثر
من كثر ما اتحملت غدر وظلم منهم
مبقتش أحس بضربهم مبقاش يأثر

مخنوق ومتحمل آلم وعذاب قافلني
صدقت ناس يا خسارة طلعوا مغفلني
أنا قلبي تاه حتى الحياة ضحكت عليّ
والدنيا والأيام لبعض محدفني

الكل وقفوا اتفرجوا على ماتش همي
وسابوني متكتف بموت على جنب مرمي
جايين عليّ وكلهم ضدي وقصادي
وإن يوم ضحكت بيجمعوا على حرق دمي