قلبي عليك يا اللي الأحبة فاتوك
ورموك في سكة صعبة تمشيها
ولا خيروك ولا حتى يوم سألوك
تهرب بعيد ولا تعيش فيها
ولا ريحوك نوبة، ولا فرحوك نوبة
ولا ريحوك نوبة، ولا فرحوك نوبة
توهة ومحسوبة عمرك يضيع فيها
عمرك يضيع فيها

مسجون في حلمك وأعمل إيه يا با
ولا ليّ حلم إلا رضاك عني
دنيا وناسها وحوشة وذيابة
بصرخ ولكن مين هيسمعني
يا رب طمن روحي وإشفيها
دنيا غرورة زايلة وش فيها
يا رب طمن روحي وإشفيها
دنيا غرورة زايلة وش فيها
يا رب طمن روحي وإشفيها

ولا ريحوك نوبة، ولا فرحوك نوبة
ولا ريحوك نوبة ولا فرحوك نوبة
توهة ومحسوبة عمرك يضيع فيها
عمرك يضيع فيها

ما تقولش قسمة ولا قدر مكتوب
ولا عدش منها هروب ولا حيلة
واصبر مسير الصبر يا أيوب
يطوي الألام ويهون الشيلة
تنسى الأسى ليلة، لو تعدل الميلة
تنسى الأسى ليلة، لو تعدل الميلة
وتنام عينيك ليلة والفرح ماليها
والفرح ماليها

لو ريحوك نوبة، أو فرحوك نوبة
لو ريحوك نوبة، أو فرحوك نوبة
هتنام عينيك نومة والفرح ماليها
والفرح ماليها، والفرح ماليها