Dis skemer Sondagmiddag
En die blues byt aan my keel
Dis skemer Sondagmiddag
Min of meer bly niks meer real

Die donker is ‘n weggooibrak
Wat aan my hart se deur bly krap
Die donker wat verbete stap
En spore oor my hart bly trap

O ek verlang ek verlang my stukkend
‘n Naamloos klein geluk glip deur my vingers
Ek wil riviere vas kan vat die see se dreuning teen my hou
Elke woord van jou onthou maar alles bly
Alles bly so blou
So rou

Dis skemer Sondagmiddag
En die blues byt aan my keel
Dis skemer Sondagmiddag
Nog ‘n week is klaar verbeel

Die son is weg die nag neem oor
En die donker raak ‘n ou kombers
Ek druk my kop diep in die nag
Sal stories ooit hul sin verloor?

O ek verlang ek verlang my stukkend
‘n Naamloos klein geluk glip deur my vingers
Ek wil riviere vas kan vat die see se dreuning teen my hou
Elke woord van jou onthou maar alles bly
Alles bly so blou (So blou)
So rou

Dis skemer Sondagmiddag
En die blues byt aan my keel
Ek probeer jou hande vasgryp met die sekelmaan se geel

Die honde wat daar vêrlangs blaf is ‘n lankvergete brief
Hulle skryf hul waansin deur die nag hulle blaf ek het jou lief
So lief

O ek verlang ek verlang my stukkend
‘n Naamloos klein geluk glip deur my vingers
Ek wil riviere vas kan vat die see se dreuning teen my hou
Elke woord van jou onthou maar alles bly (So blou)
Alles bly so blou (So blou)
So rou