Realidad Ng Buhay
Rhio C.Ariz

Minsan ay mapapailing ka na lang
Kung bakit ang buhay di madaling gampanan
Sari saring pagsubok ang mapagdaanan
Hirap at pighati ang laging nararanasan
Sadyang buhay nga ba'y ganyan

Dito sa mundo ay wag ka ng magtaka
Minsa'y sinusubok tayo ng sobra sobra
Tinatanong ang sarili kung kaya ko pa ba
Tanong na may taglay na lakas at sigla
Sa isip ay kaya ngunit damdamin ay bibigay na

Chorus 1
Habang nabubuhay ka'y patuloy ang hamon
Patuloy at patuloy ka ring babangon
Ito ang realidad ng buhay
May kapalit ang bawat tagumpay

Oo nga libre ang mangarap
Ngunit ang katotohanan ay napakasaklap
Minsan ang pangarap ay di rin tiyak
Lalo na't kulang ang iyong pagsisikap
Kahit hawak mo na'y pumipiglas

Maging ang agos ng ilog ay may katapusan
Maging ang buhay ay may hangganan
Maging ang umpisa ay meron ding dulo
Ganyan talaga ang buhay ng tao

Chorus 2
Habang nabubuhay ka'y patuloy ang hamon
Patuloy at patuloy ka ring babangon
Ito ang realidad ng buhay
May kapalit ang bawat tagumpay
May kapalit ang bawat tagumpay