Buhay Marino - Rhio C. Ariz

Oras na naman ng aking paglayo
Lalakbayin na naman ang kabilang dako ng mundo
Kay hirap ihakbang ang mga paang tila naka pako
Mga pagluha'y pilit kong itinatago

Mga mahal sa buhay ay maiiwan na naman
Pangungulila'y labis kong dinaramdam
Ang pag alalay di ko lubos maiiwasan
Mga pagluha'y di ko mapipigilan

Chorus
Buhay Marino nga naman
Buhay Marino nga naman
Naglalakbay sa malawak na karagatan
Karamay lagi ang kalungkutan
Walang Ibang sandigan kundi itong bahay na bakal
Na sa karagatan ay palutang lutang

Sa pagsikat ng araw hanggang sa paglubog nito
Matitinding alon ay kakayanin ko
Dumaan man ang maraming unos at bagyo
Kaligtasan ng lahat ang dalangin ko

Sa pagtulog ko'y ang laging nasa isip
Bumilis na sana ang araw upang ako’y makabalik
Pagod at hirap ay aking matitiis
Araw at gabi sila'y nasa isip