يا با، يا با، يا با، يا با، يا با
يا با، يا با، يا با، يا با، يا با
يا با، يا با، يا با، يا با، يا با، يا با، يا با، يا با

خطاب رسمي بعلم وصول، يسلم يداً باليد
وحق الراسل المكفول، على المرسل إليه الرد
إلى السيد ضمير الناس تحياتي أما بعد
ما حدش فينا طايق حد، بقت أيامنا ضلمة وبرد
وضحكة قلبنا الصافية بقت ماضي
بنفرح بالسفر والبعد بفرح لما نخسر بعض
بيضيع عمرنا سرعة وع الفاضي

بقا الميت رقم مثبت على نوتة
ونتخانق شهيد أو لأ
ونقتل بعض في خلافنا على الموتة
ومين فينا شهيد الحق
بنتعازم على القسوة اللي في قلوبنا
ونتعاير على ظروفنا وعلى عيوبنا
وعايشين بالدراع والزق

فيا سيد ضمير الناس
يا ريت تصحى وتصحي الناس
ساكت ليه على نفسك وليه راضي
بقيت تايه بقيت متداس
لا فيك فايدة ولا إحساس
وكالعادة ما بتردش وده العادي

ما حدش همه غير القرش والأكلة
وكله ع الدماغ بالدق
ما حبش حلمنا ينور عمل قفلة
وسابها لنا كده بتغمق
خلاص كل الوحش فينا بقا الغالب
وده المطلوب وده السايد وده العاجب
بقيت غابة، بقيت غابة وتاه الخلق