Trapik tsong kulong sa kotse
'Di kumikilos dalawang oras na
Batangbakal sa aking bintana
Bakal ang pakay baryang pantinapay

Kulay-usok kutis-aspalto
Mukhang desperado ngunit wala na 'kong barya
Berdeng ilaw primera bigla
Abante na tsong iisang dipa

Ang kapal naman ng trapik na ito
Sana'y tubuan ng pakpak ang kotse ko
Batangbakal tama na ubos na'ng aking barya
Ang kapal naman ng trapik na ito oh whoa

Pulang ilaw pinatay ko ang makina
Bintana'y ibinaba sila'y nagsilapitan
Mga batangbakal kaya ko kaya
Maging isa sa kanila sa isang kisap ng stoplight

Sabi ko oh inyo na 'to inabot ko ang susi
Sila'y nagtawanan at ang susi'y sinauli
Impyerno'ng trapik ngunit may kaligtasan
Sa ngiti at tawanan ng mga bata

Ang kapal naman ng trapik na ito
Ngunit may anghel sa tabi ng kotse ko
Batangbakal halakhak pahiram ng 'yong pakpak
Ang kapal naman ng trapik na ito

Maglaho nawa ang trapik na ito
At ang lahat ng kahirapan sa mundo
Batangbakal halakhak pahiram ng 'yong pakpak
Ang kapal naman ng trapik na ito whoa