‘Kaw ba'y nagtataka sa aking mga kilos
Parating nasa bahay ‘di na nagpapakita
‘Di na nagtitipar o nanonood ng sine
‘Di na namamasyal sa Magsaysay

Ako'y may karanasang hindi malilimutan
Noong isang gabi nagkasunog sa palengke
Ako ay nakisali sa mga nakiusisa
Biglang may pumutok at nagkagulo-gulo

Dagan dagan dagan
Mga tao'y nagsigawan
Mabuti na lang at ako'y nadapa
At naligtas sa pinsala

‘Pagka't mahirap ang umilag sa shrapnel ng granada
Kapag ika'y tamaan labas ang ‘yong bituka
At kung ikaw ay suwertehing dalhin sa ospital
Asahan mong ikaw ay dead on arrival

At ganyan nga ang nangyari sa aking katabi
Ang balak niya'y tulungan ang mga nasunugan
At napaaga lang nga ang kanyang gantimpala
Isang libreng tiket sa kalangitan

Diyos ko Diyos ko Diyos ko
Ito ba ang inyong kagustuhan
Iilan na lang nga ang mga matitino
Sila pa ang tinatawag niyo
Diyos ko po

Kaya mga higala kundi mahihinto
Itong uring katuwaan na ‘di naman biro
Inyong mapapansin sa kadugay-dugayan
Unti-unting mauubos ang Dabawenyo

Pastilan pastilan pastilan
Sasabihin ng buong bayan
Ang siyudad ng Dabaw ay wala nang tao
Ang Dabaw ay sementeryo

Di ko di ko di ko
Isa lang ang aking buhay
Marami pa akong gustong gawin
Huwag niyo munang putulin

Agay agay agay
Isa lang ang aking buhay
Marami pa akong gustong gawin
Huwag niyo munang putulin
Ang buhay ko