Wi' love's ain lips ye filed me
My blude, my bane, my haill body.
Sae wiled me wi' yer wooer's ee
Ye witched the verra saul o' me!
Betwixt yer haunds ye held my hert
That thro' their loofs my blude did stert,
Till a' the pow'r wis spent in me
As silt fa'en frae the ebbin' sea
But tho' in lust ye saired me ill
My fillit blude shone whiter still,
In baith oor een reflectit fair
For a' oor innocence wis there.