طلع كله على مافيش
حتى بحبك طلعت كلمة كذابة
حتى إزيك مبقتش بتتقال
مبقتش أفكر قبل ما أنطق في إجابة
ده اللي يقول لك حبك عمره في يوم ما حبك كان مستني الفرصة يكون مكانك
مش مستني من الدنيا تسلك لي
فسلكت لنفسي وكتبت لها في رسالة

أهلا بيكي يا دنيا مالك
لاست عكس ومش شايفة قدامك
مدي إديكي وسلمتي بشمالك
ذوقت منك من شر أعمالك
شوفت منك أيام بتفتري
ناس بتبيع وبالشكل تشتري
الحب إتحول أصبح كره وخيانة
والعقارب طلعت برة مبقتش في الساعة

كله بيكذب على كله أنا مبقاش يهمني
مش فارق لي مش هتهد ولا اتكسر
مابتوقفش على حاجة مش هتوقف على حد أنا واقف على الأرض
حاسب حسبة على الآلة
راسم خطة أنا لنفسي ومحدد الخط
بمضي بإسمي على رسالة
مكتوب عليها في ضهر الظرف

طلع كله على مافيش
حتى بحبك طلعت كلمة كذابة
حتى إزيك مبقتش بتتقال
مبقتش أفكر قبل ما أنطق في إجابة
ده اللي يقول لك حبك عمره في يوم ما حبك كان مستني الفرصة يكون مكانك
ساعات بحس إني أحسن لي أبقى لوحدي
وساعات بتمنى أحس بوحدة بزيادة

ساعات بتسائل هل في شئ يستاهل إني أحزن له
ما أنا خلاص حزنت بما فيه الكفاية
ومفيش دموع في عينيّ تقولش جفوا
برود الدنيا فيّ ومش بحس فيّ جروح كثيرة تحت اللبس
بس عرفت أداري إني موجوع لغاية ما خلاص بطلت أتوجع من أساسه
دنيا مثيرة للشفقة كانت فاكراني زيها
طلعت غيرها مكان ما بترسى أنا أدق
وبتاخذ الخطوة بكون واخذها قبلها

مش عايز من حد ومحدش هيضيف لي
عايش عشاني وعشان اتبسط لي
مش محتاج منكم حاجة ولا حد

طلع كله على مافيش
حتى بحبك طلعت كلمة كذابة
حتى إزيك مبقتش بتتقال
مبقتش أفكر قبل ما أنطق في إجابة
ده اللي يقول لك حبك عمره في يوم ما حبك كان مستني الفرصة يكون مكانك
ساعات بحس إني أحسن لي أبقى لوحدي
وساعات بتمنى أحس بوحدة بزيادة