بس إنت تطل غالي، تبقى قاعد ابالي
بس إنت اللي تنسيني، همي ولوعت سنيني
وأقول لك أني ما مشتاق، وأني الشوق ماليني
وأرجع لك مثل جاهل، وأملي بشوفتك عيني
بعمري ما بكيت بيوم، وأفرح من تبكيني
بقد الدنيا أني أشتاق، أويلي ما أحب الفراق
أنساك أبد لا تفكر، أحفر قبري لو أنساك
شوف اش بيّ ما بيّ، أشوفك أني حنية
بإيدي أحضنك حيل، وأمشي وأنسى إيديّ
بس إنت تظل غالي

تملي عيني بس إنت، وحبك بالقلب شلته
لو بس تبتعد عني، أحس الفرقة تذبحني
ما يهمني ولا واحد، وإنت وحدك تهمني
متعلق بحضنك حيل، كل شي بيك يربطني
أني وياك نتوالم، أشبهك وإنت تشبهني
كل لحظة أفكر بيك، تبعد عني ما أخليك
بس أمرني وادلل وك أذبح روحي حتى أرضيك
وأطش الروح من ألقاك، بكل قوتي أحس مشتاق
ما مقصر أبد فد يوم، وأقول مقصر أنا وياك
بس إنت تظل غالي

أمشي وأكتب بإسمك، ع الحيطان وأشتمك
هاي الناس اللي تفرق، منك ما يمنعوني
متقصد عليك أبكي، حتى أنا يطيح عيوني
تستاهل بقلبي تعيش، يا اللي بدونك أتبهذل
حالي صار من دونك، مثل الأعمى ما أندل
متعود على أحضانك، قابل هينه نسيانك
عادي تحكي ما تحكي، ينقط عسل لسانك
بس بوجهك أني أضحك، أجرح قلبي ما أجرحك
بنص ذاكرتي عايش دوم، أمسح أهلي وما مسحك
بس إنت تظل غالي