شفتك قمر طالع وأحمر خدود فاقع
يا أحلى بنات جاري يا فراوة الحتة
عود البنات عالي شقلب لي أنا حالي
يرخص ليك الغالي يا اللي سحرتني
عود البطل ملفوف وأنا لسه ياما هشوف
جاي لك ومش مكسوف ما إنت قتلتيني

واخذاني ع الهادي وجمالها مش عادي
لما بتيجي قصادي بموت ميتين مرة
ما بحش غير هي وعايزها تعيش ليّ
الحب بالنية عايزك وإنت حرة
يا شاغلة أفكاري حسي بقى بناري
يا أحلى بنات جاري يا فراوة الحتة
عاوزك يا بنبونتي يا صاحبتي وبنتي
علشان أشوفك إنت بعمل مليون خطة

الضحكة دي حكاية سكر في كوباية
وبقول لك بهوايا حبك يكفيني
شفتك قمر طالع وأحمر خدود فاقع
الجو لو ساقع حضنك يدفيني

دي ملاك ومش إنسان أنا حضني لك أمان
يا حباية رمان جايا من الفردوس
أجمل ما تشوفه العين إنت مفيش ثانين
مهرك ده لو ملاين أنا هوزنك بالفلوس
أحلى من الحلوين مفيش منك اثنين
خلي قلبك يلين وهنبقى عالي العال
من الدنيا أنا هخذك آه من جمال خدك
هو إنت من قدك يا ماركة في الجمال
جاية لي، جاية لي ما بتفرقيش بالي
عايزك أم عيالي وتفضلي معايا

يا علاج أوقات مرضي في القلب إنت نبضي
هصرف كل قبضي وهجيب لك بيه هدايا
الضحكة دي حكاية سكر في كوباية
و بقول لك بهوايا حبك يكفيني
شفتك قمر طالع وأحمر خدود فاقع
الجو لو ساقع حضنك يدفيني