مرايات والصورة عكس الصورة عمري في المرايات
وسنين جوّة صورة وشريط ذكريات

وشكلك الملخبط وعقلك لما خطط
يتنطط قلبك يزقطط لما قالت لك حبيبي
أحلامك مش مقاسك لأ دي أكبر نمرتين ثلاثة
عكس اتجاهك ماشي وإنت مش خايف كالعادة

مجنون معجون بمية العفاريت محبوس
مستنني لحظة حظ ينفتح فيها الفانوس
أيام ما كنت تقدر تنام ثمان ساعات
وتعدي ليلة كاملة من غير ما تشوف كابوس

مرايات والصورة عكس الصورة عمري في المرايات
وسنين جوّة صورة وشريط ذكريات

كابوس اِسمه الفلوس عمال يدوس
ياما فرّق حبايب وياما غير نفوس
خلاك تشوف للدنيا وش مش عامل حسابه
والواقع غصب عنك بقى يقرا لك من كتابه

حياة تفاوضك تساومك وشيء في شيء
تحاوطك تمضيك تنازل عن كل شيء
ما خطرش يوم في بالك إن الفراق ده فرض
وإن الزمن حيدلق أحلام كثير ع الأرض

مرايات والصورة عكس الصورة عمري في المرايات
وسنين جوّة صورة وشريط ذكريات

مرايات والصورة عكس الصورة عمري في المرايات
وسنين جوّة صورة وشريط ذكريات

في الأرض لفيت ودورت شرق وغرب
والقلب بيقول إمتى هنرتاح يا رب
غمضت عينك فتحت لقيت الشعر شاب
فجأة لقيتك في آخر صفحة في الكتاب

يا أيها الولد ما بقاش فاضل كثير
لو ده اللقاء الأخير أشوف وشك بخير
هيوحشني لقاك لو بعد مية سنة
خذ بالك من حبايبك وأولهم أنا

(مرايات والصورة عكس الصورة عمري في المرايات (وأولهم أنا
وسنين جوّة صورة وشريط ذكريات

مرايات والصورة عكس الصورة عمري في المرايات
مرايات) وسنين جوّة صورة وشريط ذكريات)