Waw Hamoudy Remix

تنطيط هجوم مفاجئ إسمعوا
هنا ضرب بالبنادق إرجعوا
ده لسانكوا يطول إحنا نقطعوا
مين هيجي مع الأساطير
أنا اِسمي ماركة إنت تبقى مين
أنا بصمة في المجال ده من سنين
أنا مش بروح يا عم أنا بروحين
أصلي سايق عنكوا كثير

يلا ويلكم، يلا ويلكم
يلا ويلكم جالكوا العو
اللي خاطف منكم الجو
اللي مديكم على عينكوا بلاش حد قصاده يحلو
الكلام مش على خربوش
ده الكلام على قطع وشوش
يلا مين قلبه ده هيجيبه ده إنتوا ع البايظ يا وحوش
ده إنتوا ع البايظ يا وحوش

وكلاك كثير ونفسك أنتهي
أنا لسه يا ابن بابا ببتدي
جهز معايا يلا أوريدي
إنت مش هتبان جنبي
طب حك يمكن أقرأ نمرتك
يا ابني النجاح بتاعي موتك
على طول وجودي يا ابني مسكتك
إنت شفاف مش ذنبي

خصمي رن عليّ طلبني
ع الحالات عمال يندبني
قمت نازل وأنا مش شايف قلت له إنت بقيت تعجبني
قمت راكب المكنة مدور
كله كان واقف بيصور
خذت له واحدة في نص دماغه أصله كان عمال يتهور

رقم واحد بسوق مبعتمدش
أما إنت تحت فردة الكوتش
اِسمك معايا لا ميتذكرش
إنت جيت يلا إمتى وفين
الهيبة ليّ والتاريخ يقول
أما إنت فين مشوفتش مفعول
ع الفاضي يا ابني آخرك مجهول
على إيدي ياما مسك ملايين

اِسمي بصمة في قلب مجالي
لقبوني بالكعب العالي
إنت لو نفسك تتميز يبقى هنا على طول تعالى لي
النزاهة دايما عنواني
كلها بتكرم علشاني
ربك ناصفني عشان أنا سالك عمري مرة ما كنت أناني

إسأل عليّ هيقولوا الزعيم
متجيش معاه بلاش عشان غشيم
آه يا مستجد فوق ده أنا القديم
إوعى تنسى إن أنا ميزتك
يكفي إن إسمي لما يتذكر
بيخلي كله يجري يتنطر
ما بلاش تعيش علينا دور خطر
وإنت بتحكها وبتاكلك

لما يحضر عم مجالكوا
إنتوا تمشوا تلموا عزالكوا
من النهار ده مفيش براحة الصراحة مش هريح بالكوا
خفوا وبلاش هري كثير
ده اللي جاي عليكوا ثقيل
يلا باي باي شرفتونا إبقوا عدوا علينا بالليل