Kva gjer ein med ein prestegard
Med tjuefire kalde rom
Når du er singel og ein ganske mørkredd kapellan
Det taslar uti gangen, det knirkar i ei dør
Det mumlar inni krokane av liv som har levd før
O prestegard, kvar seiler vi i natt?

For stadig spøker gamleprosten
Han som hadde åtte born
Og endå eitt med kokka, bygdeslarvet vil det sånn
Når rødvinsflaska minkar og klokka går mot tolv
Då ser eg prosten sveve over gamle skeive golv
O prestegard, kvar seiler vi i natt?

Kva gjer ein med ein prestegard
Det spør eg gamleprosten om
Og samde er vi utan tvil: Fyll garden med nytt liv
Ja start eit yogasenter med økologisk mat
Eit økumenisk lekeland, eit hundepensjonat
O prestegard, kvar seiler vi i natt?

Ja slik kan prosten spøke, men vi lar han bare drive på
Skal prestegarden fyllast må vi byne i det små
Eg treng ei prestekone, parat og passe snill
Eg leitar rundt på Tinder mens eg tar ein rødvin til
O prestegard, kvar seiler vi i natt?