NOTAK AIREAN
Izotz zurizko untxi bat
sartu zait diafragman
ez dakit ez ote didan
birika bat eraman.
Airean ez zaudenetik
jarri nauzu airean.
Gure kanta oroitu dut
etxerako bidean:
Sol maiorrean abesten nizun
ahots urratuarekin
baina aldegin zenuenetik
beti jotzen dut Min.
Nahiz eta grabeago dudan
ahotsa zure kulpaz
gripe txar batez bezala
sendatuko naiz zutaz.
Lekzio asko ikasten
da minaren eskolan
ahalegina egingo dut
berriz kantatzeko Lan.
Sol maiorrean abesten nizun
ahots urratuarekin
baina aldegin zenuenetik
beti jotzen dut Min