BI BEGIRADA
Bi begirada batu tabernan
zinezko lehen zita zineman
geratzen segi eta geratzen
segi nahi duen antzeman…
Mezu batekin txori sentitu
mezurik gabe doberman
eme hartu ta ar eman
harreman denak bihurtzen dira
norberekiko harreman.
Biolin-doinu gabeko unez
Inoiz eduki gabeko umez
Lau haizetara, gau haizetara
Ozenki, isiltasunez
Maita daiteke lehor, zein heze
eternalki maitasunez
Edo maite maiztasunez.
Modu guztiak dira posible
Baina edozein modu ez.
Maitasunaren zeru ta foru
ahanzturaren berun ta zoru
borrokatzea ta etsitzea;
borrokatzeko bi modu
sentimenduak ez dira hautatzen
naiz ahalegindu asko gu
ta zer egingo diogu…
sabel barruko pinpilipauxen
monopolioa nork du?