ليلي يا ليلة، ليلة، ليلة، ليلة، ليلة، ليلة يا ليل
ليلي يا ليلة، ليلة، ليلة، ليلة، ليلة، ليلة يا ليل
ليلي يا ليلة، ليلة، ليلة، ليلة، ليلة، ليلة يا ليل

طول ما الدنيا دي بنا بتلف إحنا هنفضل كتف في كتف
ده المعووج معدول في وجودنا وأي ثقيل قدامنا يخف
خفاف ع القلب ثقال ع الأرض إخوات ظهر وعزوة احنا لبعض
مطرح ما بننزل بنسيطر من دخلتنا الكل اتخض

إحنا اثنين، اثنين آه بس اثنين بمقام ملايين
مكتسحين واكلين الجو مفيش جامدين ثانيين
آه جسمين بس احنا بقلب واحد يا زميلي عايشين

مش بنخاف ونسد عين الشمس وقلبنا جبروت
بس نظاف ويا اللي معانا سالكين وعلى المظبوط
ناكلك حاف لو مرة تيجي علينا تعلي الصوت

الأيام بصعوبة بيعدوا ع اللي يقضي الرحلة لوحده
يا بخته اللي في ظهره يلاقي أخ جدع واقف بيسانده
طول ما في ظهرك أخ يسد عمرك ما هتعطل على حد
هي الدنيا دي إيه غير آخ يبقى في ظهرك وقت الجد

مهما حكيت عن أخويا ومهما هقول أنا مش هكفيه
لو لفيت الدنيا دي كلها بمشي أتشرف بيه
لو حسيت بالضعف في مرة ببص في ظهري ألاقيه

كله في كوم بس إنت أخويا في كوم ثاني لوحديك
لو مهموم مش بعرف أفضفض وأحكي همومي غير ليك
حتى اليوم ما بيكملش ولا يعدي يا اخويا غير بيك

أنا وأخويا على الأيام ومانعرفش الإستسلام
مهما الدنيا تعجز فينا برضو احنا هنفضل قدام
مليون حفرة ومليون فخ والسكة دي محتاجة لأخ
كل واحد محتاج الثاني والعضلات محتاجة لمخ

مهما نشوف في الدنيا دي عمرنا يوم ما نحس بخوف
لو ع الموت ساندين بعضنا دايما على أي ظروف
شوفنا كثير في الدنيا ولسه كثير قدام هنشوف

كله يهون طول ما إنت في ظهري يا أخويا ما يشغلناش
مهما يكون كتف في كتف وعن بعض ما نستغناش
واللي يخون عيشنا وملحنا ع الدوغري ما يلزمناش

إحنا وصلنا ليفل الوحش وعملنا اللي ما تعملش
إسمنا بس لوحده يخوف أما احنا يا صاحبي ما بنخافش
هي ما جاتش معانا بالساهل بس عشان سالكين نستاهل
ربك ما بينساش مخلوق واحنا وصلنا عشان بنحاول