اقبلت في زينها الطرف الخجول
وغارت القمرا على ميلاتها

وفي جمالك كيف اوصف ويش اقول
نفرش ورود الغلا لـ خطواتها

امشي بهونك وهالليله تطول
وانثري نورك على ظلماتها

الله معطيها الرُقي حُب وقبول
ويستثير الكل من نظراتها

لفت الافلاك حولك يالبتول
وقالت الله يا حلا لمحاتها

انتي يا وردة بكل الفصول
وكل نسمه خالطت نفحاتها

بخته الليله التقى فـ بنت الاصول
شامخه بالزين في مشهاتها

تمشي بخطوة وفي هيبه وطول
ثم ترقا للسما بسماتها