Het moakt nie uit oeveel tattoo's da'j'oek loat zett'n
Hoeveel sexy lijv'n daje meepakt in ui bedde
Wa da'j'ollemolle flikt 't e nie God die beschikt
En ip zijn ondoeurgrondelijke weg'n komde overal ui eig'n were teg'n

Mee gieen geld es den duivel om te koeup'n
In ne cirkel of een marathonske loeup'n
Zakk'n vull'n of ne kieer ui zakk'n leg'n ge komt overal ui eig'n were teg'n

Uiteindelijk komd' ui eig'n ov'ral teg'n
Uiteindelijk geefde zelve uie zeg'n
Den dag des oeurdieels es in feite noejt veraf
En tel moar ip wa da j'kunt meepakk'n in je graf uiteindelijk uiteindelijk

Mee grof geschut an ui doel'n veurbij schiet'n
Of mee losse flodders in de roeuze en geniet'n
Wa da nie efficiënt es hé soms mieer effect gekreg'n
Want ge komt overal ui eig'n were teg'n

Het moakt nie uit hoeveel boek'n da'j'he't gelezen
Of mee tekst en uitleg het teg'ndieel bewez'n
Veur ol den bullshit da'j'he't uitgekroamd hé nen and'ren soms gezweg'n
En in de stilte kom'd'ui eig'n were teg'n

Uiteindelijk komd' ui eig'n ov'ral teg'n
Uiteindelijk geefde zelve uie zeg'n
Den dag des oeurdieels es in feite noejt veraf
En tel moar ip wa da j'kunt meepakk'n in je graf uiteindelijk

Ge kunt begin'n mee ui'j'n bucketlist te schrapp'n
Want z'es zoeu ip win dend gelijk poep'n mee ne slapp'n
Ui andieel'n in 't lev'n hoevele zoe'n ze doarveur gev'n
Es't gedaald of es't gesteg'n
Vroagt moar an ui eig'n want ip nen dag kom'd'ui eig'n were teg'n

Uiteindelijk komd' ui eig'n ov'ral teg'n
Uiteindelijk geefde zelve uie zeg'n
Den dag des oeurdieels es in feite noejt veraf
En tel moar ip wa da j'kunt meepakk'n in je graf
Uiteindelijk komd' ui eig'n ov'ral teg'n
Uiteindelijk geefde zelve uie zeg'n
Den dag des oeurdieels es in feite noejt veraf
En tel moar ip wa da j'kunt meepakk'n in je graf uiteindelijk uiteindelijk