عندي صاحبة في الزمن ده صعب تلقى منها
دي اللي واقفة ساندة جنبي وع السر تآمنها
لو زعلت حاسة بيّ حتى قبل ما أحكي
وفي ثواني تيجي ليّ تجيب معاها ضحكة

صاحبة عمري وجنبي تملي
صافي القلب ومش بتشيلّي
أطلبها في ثانية بتنزل لي وبتعمل لي اللي يفرحني
المشكلة قبل ما توصل لي
بتخلصها وتيجي تقول لي
حتى أما أغلط بتطب لي وما بيني وبينها بتنصحني

دي عايشة طول حياتي
تدوس ع اللي مضايقني
وبدعي طول حياتي يا رب ما تفارقني

عندي صاحبة ماسكة فيّ مهما بِعدوا عني
كله يمشي بس هي في قلبي وحتة مني
لو في وسط ناس بلاقي المكان ناقصها
عُمر حد في الغلاوة عندي ما ينافسها

كم حدوتة وكم سفرية
وخروجة ولف بعربية
نزعل نفرح في أغنية بالأيام دي بتفكرنا
صاحبة عمري وأمي وبنتي
بتعليني وحاسة بقيمتي
وهتفضل روحي وأنتيمتي ولا في أيام هتغيرنا

دي عايشة طول حياتي
تدوس ع اللي مضايقني
وبدعي طول حياتي يا رب ما تفارقني
دي عايشة طول حياتي
تدوس ع اللي مضايقني
وبدعي طول حياتي يا رب ما تفارقني