كلها عارفة تمام بعضيها
متعيشوهاش بقى وتسوقوا فيها
والشيطان يلعب بدماغكم
وتقولوا حاجة تحاسبوا عليها
مش كل واحد رجله تشيله
يفتكر إنه معلم جيله
وهو هفأ وفي نفسه عويل
والناس على عينه بتدي له

صدعتونا كلام عايزين نشوف أفعال
لو إنتوا كله تمام اثبتوا لي إنكم أبطال
كفاياكم ضرب في طلق فاضي
عايز أشوف راجل قصادي
والميدان واسع وفاضي
لأي حد يجيله الشوق
بتعيدوا وتزيدوا في خيابة
وتقضوها فشخرة كذابة
صدقوني عليكم حتغابى وأنا لما بزعل مش بروق

كلها عارفة تمام بعضيها
ما تعيشوهاش بقى وتسوقوا فيها
والشيطان يلعب بدماغكم
وتقولوا حاجة تحاسبوا عليها
مش كل واحد رجله تشيله
يفتكر إنه معلم جيله
وهو هفأ وفي نفسه عويل
والناس على عينه بتدي له

بس هوس، مسمعش حس
تمامكم كلام وبوق بس
بس هوس، مسمعش حس
صوتكم حيعلا لسانكم هقص

كفايا ضرب في طلق فاضي
عايز أشوف راجل قصادي
والميدان واسع وفاضي
لأي حد يجي له الشوق
بتعيدو وتزيدو في خيابة
وتقضوها فشخرة كذابة
صدقوني عليكم حتغابى وأنا لما بزعل مش بروق

شادين حيلكم ليه وعلى مين
أبطال مين خلونا ساكتين
ده إنتوا آخركم ترصوا كراسي
وفي حضورنا تخليكم واقفين
قدامكم سنين بدري عليكم
لما الناس تتشرف بيكم
إقعدوا ذاكروا تاريخنا كويس
قبل ما ترفعوا فينا عينيكم

يلا هش مش طالبة وش
خذ لكم ساتر عايزين نرش
أنا حوت وقرش، ومبتكلش
وبطولي نازل أكسب وأقش

البابا جالكم اللي شاغلكم
كينج اللعبة معلم جيلكم
إنتوا فينكم هاتوا آخركم
إنتوا مين يلا مش شايفنكم

هي أنصاصها هتنسى أساسها
ولا دماغكم الضرب لحسها
الشغلانة دي ليها عتاولة
محدش يعمل راسه براسنا
مدرسة إيه اللي فتحتوها
ده إنتوا ناقصكم دروس تاخذوها
كبرت أوي منكم ولموها
بطلوا هري وبطلوا غل

كلها عايشة دور العناتيل
ماشية تصهلل زي الخيل
كلها وقت الجد بتجري
وتخاف تلعب ع اللي يشيل
كلكم في الفاضي وده آخركم
تعملوا بلالين ع اللي نافخكم
لا بتفهموا في أصول ورجولة
ولا حتى بتحترموا كبيركم

كفايا ضرب في طلق فاضي
عايز أشوف راجل قصادي
والميدان واسع وفاضي
لأي حد يجي له الشوق
بتعيدوا وتزيدوا في خيابة
وتقضوها فشخرة كذابة
صدقوني عليكم حتغابى وأنا لما بزعل مش بروق

بس هوس، مسمعش حس
تمامكم كلام وبوق بس
بس هوس، مسمعش حس
صوتكم حيعلا لسانكم حقص

البابا جالكم اللي شاغلكم
كينج اللعبة معلم جيلكم
إنتوا فينكم هاتوا آخركم
إنتوا مين يلا مش شايفنكم