قالوا، الأحلام زي الأمواج
بتتكسر على صخور الواقع
بس في ناس عرفت تكسر صخور الواقع بحلمها
وفي ناس إتنازلت عن أحلامها
الأحلام ما بتموتش إنما ممكن تتنسي

عاوز تحقق حلمك ينفع لكن بشرط
لازم تفارق منطقة الراحة وتعدي الخط
أمان مزيف فارقه وفوق من الخلطcomfort zone الـ
مش ممكن تعبر المحيط من غير فراق الشط
إنشف وامنع خوفك ياخذ عنك قرار
وطنش إحباط الناس اللي بتتمنى لك الإنهيار
هما اختاروا يشوفوا الماتش إنت قررت تلعب
هما اختاروا العادي السهل إنت قررت تتعب

أغلبهم عنده القدرة بس العبرة بالإختيار
عشان كده تلقى الأبطال في الدنيا دايما مش كثار
لو حد حاول يقنعك تنزل بسقف حلمك
عشان يكون مألوف و واقعي أرفض لإنك
إنت اللي شفت حلمك إنت البطل في فيلمك
إرمي تكالك ع الخالق واخلص تلقاه يدلك
كثير حاجات اتوصفت بكلمة مستحيل
لحد ظهور إنسان نفذ وضرب مثل لكل جيل حصل
إحلم حلم يكون شمس تنور حياتك
كل المخاوف والحدود أوهام مصدرها ذاتك
وافتكر دايما إن حدودك الوحيدة هي إنت

الواقع كسّر حلمك الروح ما بتتكسرش
خذ من الكسر درس وارجع ثاني أقوى وما تسلمش
مافيش أحلام بتموت الحلم ممكن يتنسي
ثق في نفسك وفي ربك كمل مهما الواقع قسي

الواقع كسّر حلمك الروح ما بتتكسرش
خذ من الكسر درس وارجع ثاني أقوى وما تسلمش
مافيش أحلام بتموت الحلم ممكن يتنسي
ثق في نفسك وفي ربك كمل مهما الواقع قسي

إسمع، إستحالة تلقى الراحة والسلام في الأول
وظروف مش عادلة والاكتئاب يبدأ جواك يغول
وأوقات هتذوق خسارة واليقين يبدأ يتحول
هتتفاجئ كثير في الرحلة بجد ومش بهول
إثبت جمع نفسك ركز وما تسلمش
وافتكر تعريف الناجح إنسان حالم ما استسلمش
أحلام من غير مجهود مالهاش تسمية غير أماني
عشان تحقق حلمك تزرع مئة فدان تفاني
خذت القرار هكمل وألغي أي حل ثاني
نسفت فكرة الرجوع نهائي من كياني

إنسى الماضي تحت إيدك كنز إسمه النهار ده
خذ لك كل يوم في سكة تحقيق حلمك حتى خطوة
مش سهل تحقق حلم بس الأصعب إنك تنساه
لو استسلمت واتنازلت ضاع منك معنى الحياة
سر تحقيق الأحلام الإلتزام والاستمرار
وإنك تخلص من قلبك مهما كانت الظروف مرار

الوقت اللي منافسينك فيه نايمين قوم إنت اشتغل
فضلوا السرير وإنت فضلت تقوم وتصنع بطل
ربك عادل عليه اتوكل هتشوف المعجزات
بالإيمان وبالممارسة تتحكم في زمام الذات

الواقع كسّر حلمك الروح ما بتتكسرش
خذ من الكسر درس وارجع ثاني أقوى وما تسلمش
مافيش أحلام بتموت الحلم ممكن يتنسي
ثق في نفسك وفي ربك كمل مهما الواقع قسي

الواقع كسّر حلمك الروح ما بتتكسرش
خذ من الكسر درس وارجع ثاني أقوى وما تسلمش
مافيش أحلام بتموت الحلم ممكن يتنسي
ثق في نفسك وفي ربك كمل مهما الواقع قسي