عمال أحكي لك ما إنتيش فاهماني
عمال بشكي لك وبعيد في كلامي
عمالة تقولي إنك حاساني
وأنا نفسي أرتاح وأكتب في أغاني يا با

وزميلي في عز الشدة سابني وراح لبعيد
وأنا مش متضايق كده من حالي بس وحيد
بس هقوم وأشفي نفسي من الوجع
لأ مش هضرب الودع عشان صاحبي مش جدع
عشان الناس دي غدارة هيبيعوك وبسيجارة
هيغشوك في أسرارك هيرموك في حصالة، ويا خسارة

هي دي الدنيا هي
يوم عليك يوم عليّ
هي دي الدنيا ديّ دمرتنا نفسيا
همّ دول اللي باعونا همّ دول اللي سابونا
وأما مسكنا القرشين رجعوا ليه وكلمونا
وأنا كل كلمة قلتها لك كنت فاكرها قبل ما أمشي
وأنا كنت النية أحط هاتريك بس اليوم ده لأ كانش ماتشي
إنت كارثة وعينيكي قضية وخايف أروح المحكمة
قاعد ع البحر والقمر ده جنبي مش باين في السما

عمال أحكي لك ما إنتيش فاهماني
عمال بشكي لك وبعيد في كلامي
عمالة تقولي إنك حاساني
وأنا نفسي أرتاح وأكتب في أغاني يا با

أنا نفسي أرتاح يا با
وأكتب في أغاني يا با
والناس حاباني يا با
وهي مش حاساني يا با
وأنا نفسي أقول يا مّه
أنا مش مبسوط يا مّه
وأنا مش مهزوم يا مّه
بس أنا مخنوق يا مّه
وهي دي الدنيا هي يوم عليك يوم عليّ
هي دي الدنيا هي سوحتنا نفسيا

عمال أحكي لك ما إنتيش فاهماني
عمال بشكي لك وبعيد في كلامي
عمالة تقولي إنك حاساني
وأنا نفسي أرتاح وأكتب في أغاني يا با