الأسئلة فيّ
في الفكر والنية
داير أدور ليها وليّ
على إجابات

والأسئلة هي
السكة دي بيّ
فين رايحة في الدنيا
ولا الإجابة فوق سبع سموات
والأسئلة ياما
عن نفس لوامة أو نفس مطمنة
أو نفس آمرة بسوء
وعن خلق حواليا ليها عليّ
وليّ أنا عليها حقوق

وعن رزقنا المقسوم
معلوم ومش معلوم
وعن خلق رامية الخلق
بأحكام على الظاهر
وياما أكثر الطاهر ومش طاهر
والكل مش ظاهر وراء هيئة والهدوم

وعن حبيب النصيب في عمرنا مخبيه
وعن محبة في عالم الله في عونا فيه
وعن السعادة وهي أصلاً تبقى إيه
وعن اللي خالق ده كله
والكون يذوب لولا ظله
وعن اللي خالق ده كله
والكون يذوب لولا ظله
والأسئلة بتتسأل، والإجابة عليه