مع نفسي ياما، دارت الحكايات
في سكوتي كلام في كلامي سُكات
أنا زاهد الدنيا وما فيها
وساعات عاشقها وفيها لأخفيها
حواديتي ما بتطلعش برايا
وبحب أفضفض باللي جوايا
وبحس لما ببص في مرايا
ما بين أنا، وأنا إختلافات

ما عرفش أنا ده فصام ولا إيه النظام
أنا اللي جوايا سلام ولا ده الخصام
ما عرفش أنا ده فصام ولا إيه النظام
أنا اللي جوايا سلام ولا ده الخصام

قابل أبات مظلوم ومش ظالم
وساعات في حقي عمري ما أتفاهم
أنا اللي روحي فيّ بتدندن
وأنا اللي قلبي مع الآذان يذن
تشكيلة أنا عيوب على مزايا
تقدر تقول إنسان أنا وكفاية
حاجات وعكسها برضو جوايا
واحد وديع والثاني بيهاجم

ما عرفش أنا ده فصام ولا إيه النظام
أنا اللي جوايا سلام ولا ده الخصام
ما عرفش أنا ده فصام ولا إيه النظام
أنا اللي جوايا سلام ولا ده الخصام