يا ليلي، يا ليلي، يا ليلي، يا ليلي يا ليل

مابقتش عارف أنا مابقتش عارف
مابقتش عارف إيه اللي لازم أعمله
على حيلي واقف، بس في جوايا خوف
الضرب فيّ هدني ومتحمله
وبعيش حياتي كل يوم حسب الظروف
لا أنا قادر أختار سكتي ولا دنيتي

تعبان وفاض بيّ خلاص عمال بموت
طب أعمل إيه؟ أعمل إيه؟
أعمل إيه علشان أعدي شدتي
مطحون ومن غير حتى ما يطلع لي صوت

مضطر أعيد حساباتي واللي جيه عليّ
هيشوف قصاده وش ثاني غير زمان
مضطر أعيد حساباتي واللي جيه عليّ
هيشوف قصاده وش ثاني غير زمان

الطيبة مش نافعة خلاص في الدنيا ديا
ومن النهار ده الخير في قلبي ملوش مكان
ما هو غصب عني مش بكيفي الاختيار
الناس مهيش عايزة اللي يعمل ليها خاطر
أنا كنت راضي وكنت عايش جوة نار
لكن الحياة عايزة اللي يتعامل وقادر

أنا عشت طيب عمري ما عرفت الأذية
وعشان سكت لقيتني شارب من المرار
مخنوق وجنب الحيط مشيت بدموع عينيّ
والحزن كان جوايا بايت ليل نهار

بس الحياة بالصح باين خسرتني
خليتني أكره نفسي وأغير ملامحي
جايز غلطت كثير في دنيا غفلتني
وسابتني غرقان بين همومي وجوة جرحي

مضطر أعيد حساباتي واللي جيه عليّ
هيشوف قصاده وش ثاني غير زمان
مضطر أعيد حساباتي واللي جيه عليّ
هيشوف قصاده وش ثاني غير زمان

الطيبة مش نافعة خلاص في الدنيا ديا
ومن النهار ده الخير في قلبي ملوش مكان
ما هو غصب عني مش بكيفي الاختيار
الناس مهيش عايزة اللي يعمل ليها خاطر
أنا كنت راضي وكنت عايش جوة نار
لكن الحياة عايزة اللي يتعامل وقادر