Sopnam Sopnetalim Hanv, Votancher khevtalem fokot tujem nanv

Ieunk Distale tujeshi marun dhanv.

Axellem fokot hanv tuje zanv

Resperachem neslelem, Ghorcheanche bhesanv gheun bhair Sorlolem.

Khuxalkayen Kalliz ie bhorlolem,

Atam sasnnak tujhem zalem.

Ch. 1

Aiz thaun tu re mhojo, kallzan pettlam uzzo.

Niz mog kela tujo, Tuje vinnem ravun nezo

Khoxen aiz hanv bhorlam, upkarui attoita

Ekhttaim dorunk amkam, Deva lagim magtam

2.

Khoxechem martam varem, Ektoille soirea dhaireanche bhirem

Chintlelem chintop aiz zalem purem

Vorsanchem sopon aiz zalem khorem

Chintun sogloch sontostam

Ghorkar tujo zalo mun khuxi bhogtam

Kantaar korun devak argham ditam

Fudaar boro zaunk magtam

Ch. 2

Khuxalkaien bhorlam jiv, Tunch mhoji taan ani bhuk

Hanv tujo follancho rhuk, Kednach diunchona tuka dukh

Mog tujo kelam Khoro, Osoch tho urlea puro

Deva lagim hanv mhagtam, Fudaar zavunk boro.