O kay sarap alalahanin nang ako ay bata pa
Doon sa kindergarten tunay na kay saya
Mahal na mga guro saki'y nag-alaga
Kung kaya sa puso't isip ko'y di mawawala

At ngayon sa araw na ito
Tanggapin po ninyo ang pasasalamat ko
Sa aking guro at sa magulang ko
Lahat ng ito'y alay sa inyo
Mabuting asal at ang karunungan
Ito'y di mawawaglit kailan pa man

Mahaba pa ang panahon na aking lalakbayin
Upang tuluyang maabot ang pangarap na maging akin
Kami ngang kabataan ang pag-asa ng bayan
Kung kaya't pagbubutihan ang aking pag-aaral
Lahat ng tinuro'y di kalilimutan (lahat ng tinuro'y di kalilimutan)
Upang maging gabay sa kinabukasan

At ngayon sa araw na ito
Tanggapin po ninyo ang pasasalamat ko
Sa aking guro at sa magulang ko
Lahat ng ito'y alay sa inyo
Mabuting asal at ang karunungan
Ito'y di mawawaglit kailan pa man

Ang pangakong pagbubutihan ko
Upang ikarangal ng magulang ko
At magbigay dangal sa bayan ko
Pangako kong ito'y alay sa inyo