03- Bela Vivo

Teksto kaj muziko: Thimoty Gallego Pineda


Ho mi povus senti min plena manlgraŭ la mankoj de la viv’
Jes mi povus esti senvojvojaĝanto kun vi
La vento venas, vin prenas ĝi kaj tiel ĝi prenas min
Vi ne devas legi per okul’ kion kore sentas vi

Ankaŭ mi volas scii
Mi ŝatas vin

Kaj la menso insistas: vi ne povas, ne povas ni flugi libere kiel ni sopiras
Ĉiam venkas la koro se ĝi nur eltenas
La amo ja venkas, fidu je mi

Ĉu vidas vi la belecon en tiu rideto, tiel lumas ĝi
Ĉu aŭskultas vi mian eĥon en la estonteco, kiel sonas ĝi?
La vento venas, vin prenas ĝi do kiel birdo ĝuu ĝin
Vidu min, venu al mi, mi prenos vin kune eskapos ni

Kaj la menso insistas: vi ne povas, ne povas ni flugi libere kiel ni sopiras
Ĉiam venkas la koro se ĝi nur eltenas
La amo ja venkas, fidu je mi

Niaj okuloj gvidantoj de niaj suspiroj, dolĉega rigardo de ama vizaĝ’
Niaj sentoj, la solaj rimetoj de kantoj kaj versoj, konstruas poemojn
Niajn verdajn stelojn ondigas la vent’
Ene de ni, la bela viv’