Äs isch wirkli komisch dich so z'gseh
Ds Lachu isch mär z'vodrusch abär glii tüäts mär weh
Wiä'd da sitzusch so wiit äwäg vo miär
Siit langum scho so wiit äwäg

Wänn wär zämu ässä redsch du nit
Ich cha mär no so Miä gä, du märksch sus nit
Und jedi Nacht schlafsch du widär ii uf um Couch vor um Fernseh

Ich gah.
Und fa nomal ganz vo vorna a
Und ich lüägu di a
Alls isch am värgah
Ich gah.
Warum bin i no hiä?
Was mach i no da?
Diinä Stolz diis Lachu
Het di värlah
Hesch di la ga

Ha vo diim Körper niä gnüäg värcho
Jetz känn i jedä Trick fär mu z'entcho
Und du schmäcksch öi nimmä glii wiä friänär
He losusch mär züä

Wänn ich will redu, geisch du üs
Wer dä tschuld an all däm sii fregsch und flippsch üs
Du lasch mi la miis Gsicht värliäru vor iischä Fründa
Säg isch das z'Einziga wa di zum Lachu bringt

Ich gah.
Und fa nomal ganz vo vorna a
Und ich lüägu di a
Alls isch am värgah
Ich gah.
Warum bin i no hiä?
Was mach i no da?
Diinä Stolz diis Lachu
Het di värlah
Hesch di la gah

Äs isch fär alles ä biz spat
Han där das eiguntli scho mal gseit
Du gliichsch je länger je meh diinum Vatär
Und jetz hocksch du da und lüägsch mi a - verständnislos
Was isch mit iischär Liäbi los?
Was hesch du gmacht?

Ich gah.
Und fa nomal ganz ganz vorna a
Und ich lüägu di a
Alls isch am värgah
Ich gah.
Warum bin i no hiä?
Was mach i no da?
Diinä Stolz und diis Lachu
Eifach alls het di värlah

Du hesch di la gah