اش ها الحياة المهزلة عشنا بيها ببهذلة
نريد فد واحد كبير وعن وضعنا نسأله
هم يرد للوطن خيـره لو يصيـر أتعس مصيـره
حتى نمشي نشوف غيره إذا تظل كل من إله

(اش ها الحياة المهزلة عشنا بيها ببهذلة (إي بهذلة
نريد فد واحد كبير وعن وضعنا نسأله

كنا كلنا شعب واحد وطن مرتاح وطبيعـي
وهسه صرنا ما نتساوى هذا سني وذاك شيعي
قبل فترة شعب واحد وطن مرتاح وطبيعـي
هسه صرنا ما نتساوى هذا سني وذاك شيعي
والله عمي مهزلة

اش راح يقضي ها العمر قهر وهمـوم وصـبر
ويلي ع الشعب العراقي من المآسي للقبر
احنا حق وإنتوا باطل والحكي ما يرضي عاقل
بينكم كل المشاكل الشعب هذا إش دخله

اش ها الحياة المهزلة (إي المهزلة) عشنا بيها ببهذلة
نريد فد واحد كبير وعن وضعنا نسأله

يا عراقي يعينك الله مشكلة وما أظن تفض
واحد يجر بيك طول واحـد يجر بالعـرض
يا عراقي يعينك الله مشكلة وما أظن تفض
واحد يجر بيك طول واحـد يجر بالعـرض
والله عمي مهزلة

مدري لمسوي شنـو قاتليـن أبو مـنه
شربونا المر وقالوا هذا شي كلش حلـو
باعـوا ع البلدان باعـوا ع العراق شوية غاروا
إبنوا طابـوكة تـعالـوا مو خرابات إنـملوا

(اش ها الحياة المهزلة عشنا بيها ببهذلة (إي بهذلة
نريد فد واحد كبير وعن وضعنا نسأله

ع العراق إنعمت عيني ليش بتعس حال صاير
ماحد يفـكر بوضعه كل من بمصلحته حـاير
ع العراق إنعمت عيني ليش بتعس حال صاير
ماحد يفـكر بوضعه كل من بمصلحته حـاير
والله عمي مهزلة

اش ها الحياة المهزلة عشنا بيها ببهذلة
نريد فد واحد كبير وعن وضعنا نسأله