Elok luluak sawah dirawang
Luluak baraso ka ba padi
Di ayianyo bandakan juo
Oi maleh hati rasonyo pulang
Oi dilaman taserak tangih
Pusaro mande tampak juo

Kamalah badan kababaliak
Lai bana badan bakampuang
Ayah pai mande tiado
Oi tibo dihari bulan baik
Urang rayo jo mande kanduang
Awak manangih kapusaro

Latiah badan diarak untuang
Kok lai bana badunsanak
Hiduik marasai kasadonyo
Oi kok hiduik juo mande kanduang
Indak bana dapek mamintak
Dapek maimbau alah juo

Ba ibo ibo bunyi saluang
Pantun rusuah denai dendangkan
Parasaian sibadan diri
Oi danga pasan dek ayah kanduang
Anak usah ayah lengahkan
Kami indak barinduak lai

Dangalah pantun dalam dendang
Untuak dunsanak kasadonyo
Oi tabayang aruah mande nan hilang
Makan bakuah aia mato oi aia mato mande

Oi dek mande jannyo den mande
Dalam pantun denai dendangkan
Oi jaso mande alun tabaleh
Anto anak mande tinggakan
Oi hari lah laruik candonyo