Oi sambilan bulan mande manganduang
Nyao jo badan jadi taruhan
Jadi taruhan nak kanduang oi
Nan bak kacang mancari junjuang
Mande usahlah nan salahkan
Anak salahkan nak kanduang oi

Mande usahlah nan salahkan kaburuak pintak jo pinto
Pintak jo pinto ka uwuoi
Walau kacang dapek junjuangan
Anak ka indak sio sio
Lalok barayun nak kanduang oi

Oi.. Anak kanduang sibiran tulang
Buah hati limpo bakuruang
Limpo bakuruang ka uwo ei
Usah anak maraso gamang
Dunia akhirat jo mande kanduang
Jo mande kanduang ka uwoei

Asa pandai bakain panjang
Labiah bak raso kain saruang
Oi kain saruang ka uwo io
Pandai anak jo ayah urang
Labiah baraso ayah kanduang
Oi ayah kanduang nak kanduang oi
Oi gajah disuak makan padi
Disariak tingga bulalai nyo
Oi bulalai nyo ka uwoi
Anak kanduang kato'i diri
Tanamlah budi jo bahaso oi
Nak sayang urang kasadonyo