Oi nan dek mande ja nyo den mande
Sayang ka anak mande curahkan
Jaso mande alun tabaleh
Anto dek kami mande tinggakan

Jaso mande alun tabaleh
Anto dek kami mande tinggakan

Yo nan lah hilang tampek bagantuang
Badan dek arak dek parasaian
Sajak saindak oi mande kanduang
Bagoyang bumi denai pijakkan

Sajak saindak oi mande kanduang
Bagoyang bumi denai pijakkan

Oi ayah kanduang kami harok kan
Hanyolah ayah ado dek kami
Jan sampai anak ayah lengahkan
Kami nan indak bamande lai

Satiok sujuik kami badoa
Ampun kan doso mande nan hilang
Tuhan panjangkkan lah umua ayah
Jan acok bana kami tagamang

Tuhan panjangkkan lah umua ayah
Jan acok bana kami tagamang