Oi pamuncak rajo rang tiku nan kanduang
Rajo rang tiku lah dipiaman
Oi pamuncak rajo rang tiku nan kanduang
Rajo rang tiku lah dipiaman

Nan diumbuak denai jo sagu nan kanduang
Aia tibarau lah dibarikan
Sansai badan den barambun malam nan kanduang
Aia tibarau lah dibarikan

Aia tibarau babarikan nan kanduang
Dek auih taminum juo
Aia tibarau babarikan nan kanduang
Dek auih taminum juo

Samantang uda diharokan nan kanduang
Usah balanteh angan sajo
Sansai badan dek barambun malam nan kanduang
Jan balanteh angan sajo

Nan dek uda balanteh angan nan kanduang
Indak tahan denai rasonyo
Nan dek uda balanteh angan nan kanduang
Indak tahan denai rasonyo

Elok denai uda tinggakan nan kanduang
Pado batin batambah seso
Sasai badan den barambun malam nan kanduang
Pado batin batambah seso

Bia denai mambaok untuang nan kanduang
Kama lah nasib ka dibao
Bia denai mambaok untuang nan kanduang
Kama lah nasib ka dibao

Batanyo darah bakeh jantuang nan kanduang
Sakik batin bara lamonyo
Sansai badan den barambun malam nan kanduang
Sakik batin bara lamonyo