Beaivelotti soajit lihkket mu siste
nu geahppasit eai báljo dovdo
Ođđa rašes siepmana Máttaráhká oaččui
dagai dan ogi nieidamánnán

Oaidnemeahttun siellu šaddagoahtá čoavjjis
jorrá iežas jorba gomuvuođas

Beaivvelotti váibmu, čoalká mu siste
nu jaska ahte ii báljo gullo
Uhca hearkkes ogi Sáráhkká lea viežžan
Dat jorggista mu čoavjjis dego bárru

Čiegus mánnáčuolbma, čiekčá mu siste
guldala jienaid guhkkin eret
šaddi mánnáčuolbma, čárvu mu siste
rahpá dál su čalmmiid vuosttaš geardde

Beaivvelotti oaivi viggagoahtá vulos
eatni liegga gorut guoddit ferte
Áigi lea dál boahtán, vuosttas rahčamuš
mánná mii lea gearggus riegádit

Beaivvaža mánná girdá badjel duoddariid
guoddá árbevieruid iežas siste
Sivniduvvon mánná, mákkár lea du bálgá?
Divtte gal váimmu láide du