Recitative (HOLOFERNES, JUDITHA)
HOLOFERNES
Quid cerno! Oculi mei
Stupidi quid videtis!
Solis, an caeli splendor!
Ah summae prolis
Vincunt lumina sua lumina solis.
Sistite, viatrici
Praeparate Trophea, Spargite flores,
Et obvient Divae suae teneri Amores.

JUDITHA
Summe Rex, strenue miles,
Nabuc Regis cor,
Cuius in manu stat suprema potestas,
Nutui cuius fortuna et sors obedit,
Et cuncta iura sua Gloria concedit.

HOLOFERNES
O quam pulcrior in pulcro
Virtus est ore sonans!
Quidnam petis,
Suavissima supplex?

JUDITHA
Non mihi, Patriae meae
Spem salutis exoro,
Et sic Bethuliae a te pacem imploro.