نتفكرنا صغار
نتفكرنا صغار كل مرّة
ما نسيتش اللي صار
ما نسيتش اللي صار بالمرّة
ما عادش صغار
بحر سفر وبر وحلمة لبرّة
واليوم ها أنا كبار
صاحبي وخويا ليك وحشة والله

نفس القعدة ونفس اللمّة لتوة شي ما لقيت
نفس الجو اللمة كاينّك ما مشيتشي
نفس اللَّعبة ونفس اللٌّعبة من البيّار عييت
نفس الخدعة صاحبي خير كي ما بطيتشي
بلاد تعكّر صاحبي تبقى إختصاص نفخان
روتين يعقّل قانون ماحبّش يروفني
نتفكر ديما كي صلينا في رمضان
خرجنا ما لقيناش صبابط للدار بيك مكوفري
أول تدويرة وأول دورة خطفنا موتور جار
تسترت عليّ باش حتى قلقال ما يشوفني
نراها ديما اللي سميتها إنت المدام
عرست جابت صغار ديما تسلم كيف تشوفني
نتفكر لمّة مع الاولاد وشاري كار الكميا
كان تتفكر ولد خميسة اللّي بلعوا ومية
كبرنا ريوسنا في مصروفنا باش قصينا الجرية
ربحنا فرحنا لين الكورة ولاتلنا بلية

نتفكرنا صغار
نتفكرنا صغار كل مرّة
ما نسيتش اللي صار
ما نسيتش اللي صار بالمرّة
ما عادش صغار
بحر سفر وبر وحلمة لبرّة
واليوم ها أنا كبار
صاحبي وخويا ليك وحشة والله

نفس التاڨ متاع الدوڨ والفدا موجودة
نفس الدار ماك تعرفها داري
نفس الكار ديما والوجوه مقلوبة
نفس الحال العباد ديما تعاني
نبدل طبعي شوية عشيري كي الموضوع كسّحني
تبعت قلبي ياسر لين تعب لوحني
ما عاد كان الفلوس دزني تفرحني
علمتني نطّر حقي حتى موش في سحني
تبدلت الامور صاحبي الغول تو كي كان اللعب
ميسا حل يحجم ويوكل في الشعب
قهوة رانية كيما هي زوز كراسي تقعّد
جندوبي يلبّس وقت الكبس نخلّص مبعد
إن شاء الله إنت تكون بخير وتعمل الاوراق
متوحشينك داركم حومتك وناسك وراك
توحشتك برشا دنيا صغيرة توة نجيك نراك
ما تبدل شي احنا لباس وإنت ربي معك

نتفكرنا صغار
نتفكرنا صغار كل مرّة
ما نسيتش اللي صار
ما نسيتش اللي صار بالمرّة
ما عادش صغار
بحر سفر وبر وحلمة لبرّة
واليوم ها أنا كبار
صاحبي وخويا ليك وحشة والله