Ia Virgo sidus aureum,
sidus est decorem,
[stella micans celica,
habitudo morum,
sendens super]
atria Menia polorum.

Ib Portus melos concrepent
pariter canorum;
lucis regno renitet
gemma, decus florum;
hec regina glorie,
domina celorum.

IIa Celsans flos virgineus,
convenustat edes,
auro mire relucet,
redimita sedes.
Virgo micat solio
luna subtus pedes.

IIb Claras canunt superi,
virgo, tibi laudes
cun, amicta sole,
nunc serena gaudes,
stellis semper celitus
oronata gaudes.

IIIa Celo dantur virgini
premia decore,
tronus, aula, thalamus;
celi, virgo more,
circumfulget
hins et hinc roseo sp[l]endore.

IIIb Sponsa [virgo], niveo
redolens pudore,
sponsi spirat naribus,
eminens odore:
odor vincit balsamun
unico dulcore.

IVa Sic regine gloriam
regis augent dona,
dona sunt regalia
purpura, corona;
chorus argenteus,
intret aule bona.

IVb Margaritis radians,
loca per amena,
ceptrum tenet regium,
picta rosis gena,
candor extat roseus,
facies serena.

Va Flavet crinis criseus,
tota serenatur,
aureis monilibus,
collum coloratur,
gemmis vernis lucidus,
pectis purpuratur.

Vb Cultu poscet regio,
cultu venustatur,
nostro sceptro,
stemate toto decoratur,
his imperialibus
throno sublimatur.

VIa Lucifer hec munera,
contulit aurore,
micant auro, iaspide,
sardii splendore,
prestant claritudine,
preminent colore.

VIb Sponsa dote, premio,
gratia, favore
sit dignata regis est;
caelo puriore,
sit sertata sidere
purpurata flore.

VIIa Privilegiata sic
angelis prefertur;
huic a principibus
curie defertur,
stola duplex candida
cum ei conservatur.

VIIb Turba dulces proceres
obviam feruntur,
sonant David timpana,
cithare tanguntur,
mera sponse nobili,
cantica promuntur.

VIIIa Cives laudes resonant,
laudibus incenti;
offert auri copiam
filius parenti;
saltes illi precinit
solio sedenti.

VIIIb Flore vernant,
redolent lilia virenti,
viole, rosaria,
vario decenti,
decor, decos floreum,
ver ibi degenti.

IXa Ortis in mellifluis,
Rex, defert, Regina
maiestate concinunt
organa divine,
flavi, fulvi, rosei,
throni sine fine.

IXb Lucent serta militum
rutilat, que lene
elegantis iubaris,
accies novene,
sacratarum virginum
species serene.

Xa Qui gemmata crocea,
elvit absque mora,
que, mamillis lacteis,
Christi pavit ora;
ipsi promat carmina,
cori vox sonora.

Xb Arces in ethereas,
numini tam cara,
ut coronet laureis,
templi nos sab ara,
seden sitos atrii,
mortalia preclara.

Amen.