Buwan buwan hugis duyan
Ako'y hihimlay sa 'yong kandungan
Buwan buwan ngiti ng kalawakan
Isang hiwang pilak sa alkansiyang kawayan

Silayan itong tahanang munti
Hawiin ang ulap sa langit
Masdan ang sanggol sa tabi ng ina
Biyaya ng hatinggabi
Luwalhati kahit pansandali

Silayan itong abang manggagawa
Pagod ang kat'wan at isipan
Bigyan ng ginhawa hagkan ng pahinga
Nag-iipon siya ng lakas
Upang harapin ang bukas

Buwan buwan hugis duyan
Ako'y hihimlay sa 'yong kandungan
Buwan buwan ngiti ng kalawakan
Isang hiwang pilak sa alkansiyang kawayan