أنا وحبيبتي آخر جمال وكلامنا همس و وشوشة
ومروّقين وملطّفين والليلة أنس وفرفشة، الليلة أنس وفرفشة
أنا وحبيبتي آخر جمال وكلامنا همس و وشوشة
ومروّقين وملطّفين والليلة أنس وفرفشة، الليلة أنس وفرفشة

وفجأة تحصل حاجة تافهة نفتح مناقشة ودردشة
وكلمة منها على كلمة منّي تقلب خناقة فركشة

سمنة وعسل بقوا نار على نار والصوت مسمّع سابع جار
وخذ وهات طلعت أسرارنا وبقت خلاص نشرة أخبار
سمنة وعسل بقوا نار على نار والصوت مسمّع سابع جار
وخذ وهات طلعت أسرارنا وبقت خلاص نشرة أخبار

وأسيبها تهدى بتشعلل أكثر ألمسها تنزل خربشة
آجي مصالحها بهدية غالية وعزومة حلوة على العشا، وعزومة حلوة على العشا

يومين وتحصل حاجة تافهة نفتح مناقشة ودردشة
وكلمة منها على كلمة منّي تقلب خناقة فركشة

أنا أقول يا ناس مُخّها مرووش وتقول طهقت ما بحبهوش
ونمتحن كلام الخناق في ليالي البعد يطلع فاشوش
أنا أقول يا ناس مُخّها مرووش وتقول طهقت ما بحبهوش
ونمتحن كلام الخناق في ليالي البعد يطلع فاشوش
نرجع نحن لذكرياتنا وللطريق اللي اتمشى
وأقول حبيبتي تقول لي روحي ودموع وأحضان كلبشة، دموع وأحضان كلبشة

يومين وتحصل حاجة تافهة نفتح مناقشة ودردشة
وكلمة منها على كلمة منّي تقلب خناقة فركشة

أنا وحبيبتي آخر جمال وكلامنا همس و وشوشة
ومروّقين وملطّفين والليلة أنس وفرفشة، الليلة أنس وفرفشة