Mama Luka nîûrî igweta inene
Wi ûmwe warîa maakiire itûûra rîrî
Mmm..
Mmm

Mûkîhanda mahûa mîhakainî
Mûkîrutûrûra huko marimainî
Mmm..
Mmm

Ciana cianyu mûgîcigaîra kîharo
Gîa gûteng'era na gûthaka mûbira
Mmm..
Mmm

Nîwandîkirwo wîra wa thirikarî
Bûrûri mwîthî waihûrîte mieke
Mmm..
Mmm

Kîroto gîaku kîa mûndû mûirû
Arî na wîyathi gîtingîriganîra

Matuko maingî na magîtîo
Ûheo ûtûûre wî na thayû
Nacio njuî ciaku citikang'are
Negetha ûrîmage kûrîa gûkuumia

Mmm.. (whoa, whoa, whoa, whoa)
Mmm

Watunyirwo wîra na mbeca cia retire
Na nyûmba yaku nîrahûrirwo mûnara
Mmm..
Mmm

Nî ûhoro wa kîeha mûno
Kûona ûgîcurûria mbica ciaku rûthingo-inî
Mmm.. (ûgîthiî)
Mmm

Watahwo na kîrori watigwo na rûkûngû
Kîoneki gîaku tûtingîtiganîria

Matuko maingî na magîtîo
Ûheo ûtûûre wî na thayû
Reke ng'ombe ciaku citikaage iria
Na rûri rwaku rûthereme

Matuko maingî na magîtîo
Ûheo ûtûûre wî na thayû
Nacio njuî ciaku citikang'are
Negetha ûrîmage kûrîa gûkuumia

Matuko maingî na magîtîo
Ûheo ûtûûre wî na thayû
Reke ng'ombe ciaku citikaage iria
Na rûri rwaku rûthereme

Na rûri rwaku rûthereme