Bazen behin hazi bat, landatu barik zegoela, milaka urteak poltsikoan.
Tamainaz txikia, izatez handi xamarra, baina hori bai landatu ostean.
Ez zaitez lotsatu zure hitzak badu bere oihartzuna.
Lehenengo pausua zure barnean daukazu.
Araban... Lurralde honetan behar dugun berpiztea.
Euskaraz... Denon eskuetan dago eta ez bazterretan.
Araban... Euskara hazteko garaia iritsi da.
Euskaraz... Beraz hartu hitza gera dadin entzunda.
Bazen behin hazi bat, landatu barik zegoela, milaka urteak poltsikoan.
Tamainaz txikia, izatez handi xamarra, baina hori bai landatu ostean.
Buru batzuek ezkutatu nahi dituzte, gure herriko ohitura apartak.
Hori bai, oihukatzen diegu: gora hizkuntzak mundu osoan, gora Euskal Herria!
Arabar Errioxatik dator soinua, euskararen aldarria, euskararen oihua.
Lur txiki honetan, mahastien gisara, hazia landu ostean, fruituak eskuratuko dira.
Zure ekarpena, bidearen funtsezko harria, denborarekin zaindu beharra dagoena.
Herri honekin bustiko gara, parte hartuz, mintzatuz, beti ere algaraz.