Itsasoko urez jantzita mugitzen hastean.
Marrazten ditudan aztarnak, musika haizean.
Zoriontasunaren bals-a nire begietan.
Mugimenduaren hizkuntza unibertsala da.

Dutxako kantu emanaldia eskaini ostean,
indarrez hasi naiz bueltaka ispilu aurrean.
Zoriontasunaren runba komuneko pistan.
Mugimenduaren hizkuntza unibertsala da.

Onena izaten da espero ez duzunean.
Pentsatu gabe burua galtzen denean.
Bihur zaitez oreka airea bezala.
Saltoka bizitza hobeto ulertzen da.

Berdin du non zauden eta zein den momentua,
beldurra alde batera eta hasi dantzan.
Aske izateko aukera aurrean duzuna,
zurea da, hasi dantzan.

Dantzatzearen magia, bira bakoitzaren baitan.
Herrialde guztien giltza eskura izatea.
Zoriontasunaren sanba gure gerrietan.
Mugimenduaren hizkuntza unibertsala da.