So rodde dei fjordan
So køyrde dei strondi
So rei dei lidan
So vassa dei sundi

Og heggeliljune
Dubba i bakkan
På kyrkjegolvtiljune
Inn svinga stakkan

Det var liv og tone
Og rannei og gyri
Og gamla på fjone
Lett trippa fyri

Det var knut og livår
Og sveinung og tore
Og buggen sin styrkår
Frå utigard jorde

So inn dei seg sessa
På kvåre si side
So lydde dei messa
Med tankan rok vide

Og knut såg på tone
Og rannei på levår
Og gamla på fjone
Laut tenkje på styrkår

So ned dei seg bøygde
I heilage vimur
Med kringom dei smøygde
Seg solrøyk i strimur

Då klokka ho klemta
Og kvendi sukka
Og karane kremta
Og ut dei seg tukka

Og sunnan og nordan
Dei helsa i hendan
So rodde dei fjordan
So køyrde dei strendan