Ndiyakhala kuwe Nkosi
Bawo oyiNgcwele ndive
Kobu bugxwayiba ndive
Ekweneni kweli lizwe

Ndiyigusha
Ndiyigusha ndalahleka
Ma ndifunwe,ndibuyiswe
Ndiyoyika kula mawa
Mandilandwe ndigoduswe

Ndaphambuka
Ndaphambuka emendweni
Ndalushiy’ufefe lwakho
Kwezi ntanda-buzo zimbi
Se ndeyele ndiyatshona

Enkungwini
Enkungwini,ekufeni
Phuma langa lolungiso
Ma ndingene endleleni
Ndilubone usindiso

Ndipheleke
Ndipheleke Mkhululi
Ma ndiphathelele kuwe
Koba mnandi ndakuhamba
Nawe ndize ndingadinwa

Ngoko
Ngoko ndinga ndingahamba
Nawe Nkosi enofefe
Ndiwanyuke amaqhina
Neentsunguzi ezimnyama

Ngoko
Ngoko ndinga ndingahamba
Nawe Nkosi enofefe
Ndiwanyuke amaqhina
Neentsunguzi ezimnyama