आता विसाव्याचे क्षण
आता विसाव्याचे क्षण
माझे सोनियाचे मणी
आता विसाव्याचे क्षण
माझे सोनियाचे मणी
सुखे गोवीत ओवीत
सुखे गोवीत ओवीत
त्याची ओढतो स्मरणी
आता विसाव्याचे क्षण

काय सांगावे नवल
दूर रानीची पाखरे
काय सांगावे नवल
दूर रानीची पाखरे
ओल्या अंगणी नाचता
ओल्या अंगणी नाचता
होती माझीच नातरे
आता विसाव्याचे क्षण

कधी होती डोळे ओले
मन माणसाची तळी
कधी होती डोळे ओले
मन माणसाची तळी
माझे पैलातले हंस
माझे पैलातले हंस
डोल घेती त्याच्या जळी
आता विसाव्याचे क्षण

कधी पांगल्या प्रेयसी
जुन्या विझवून चुली
कधी पांगल्या प्रेयसी
जुन्या विझवून चुली
आश्वासती येत्या जन्मी
आश्वासती येत्या जन्मी
होऊ तुमच्याच मुली
आता विसाव्याचे क्षण

मणी ओढता ओढता
होती त्याचीच आसवे
मणी ओढता ओढता
होती त्याचीच आसवे
दूर असाल तिथे हो
दूर असाल तिथे हो
नांदतो मी तुम्हांसवें
आता विसाव्याचे क्षण
माझे सोनियाचे मणी
सुखे गोवीत ओवीत
त्याची ओढतो स्मरणी
आता विसाव्याचे क्षण
आता विसाव्याचे क्षण
आता विसाव्याचे क्षण