عم عرفة

عم عرفة

من صباحية ربنا طالع
على رزقه في لسانه يا رب
ما بيبصش على حاجة غيره كسبان كل الناس بالحب
صابر مهما يشوف في حياته
شقيان على بيته وأولاده
أصل ليه إبن هيبقى مهندس والثاني في كلية طب
عم عرفة
آه
عم عرفة

رغم ظروفه ورغم بساطته
كبر أولاده على الصدق
لو مئة سكينة على رقبته عمره ما ينطق غير الحق
وعشان كرمه ربنا كارمه
والناس بتحبه وتحترمه
ومشرف أولاده وأهله هو ده فعلاً معنى الأب

عم عرفة

عم عرفة

زاهد ومخليها على الله
ولا طالب منه غير الستر
وعليه عزة نفس الأمرا كلمته واحدة وراجل حر
وملامحه هتنطق من الطيبة
ولسانه ما ينطقش العيبة
وما يقبلش جنيه مش حقه هو ده فعلاً معنى الأب
عم عرفة
آه
عم عرفة

عم عرفة
آه
عم عرفة