بطلنه نشتم الهوى كاعد نشم بيك
واتخيل احضن ايدي لو لزمت ايديك
وانت شوف شكد اعز
حبك الخلاني افز
بالليل واكتبلك وادز
مشتاقلك يل لو تجي بگليبي اخليك


حبك نشيدي وموطني
وبقلبي بيتك ينبني
لو افقر انسان انحسب
ابقى بغرامك فد غني

شمحلاها وانشيب سوى واكعد واداريك
بطلنه نشتم الهوى كاعد نشم بيك

..

بالگوه لازم نفسي من اوكف واحاچيك
خايف احضنك وابتلي احضاني تچويك
جبتك اني بكل تعب
بس انت قلبي هوايه حب
نبضاتي صارولك شعب
ياقائد الگلب الوفي وبروحي افديك

صدك اذا بالي تجي
من قلبي يصعدلك حجي
بسمك اريد اني انكتب
وتصير اهلي وعالمي

يلنايم بنص القلب بضلوعي اغطيك
بطلنا تشتم الهوى كاعد نشم بيك